Heildstætt bókhalds- og tölvubókhaldsnámskeið
Breytt/endurhannað

Námskeiðið er einkum ætlað þeim sem ætla sér að sjá um bókhaldið eða þeim sem sjá um bókhald í minni fyrirtækjum og vilja öðlast þekkingu á viðfangsefninu frá handfærðu bókhaldi til færslu bókhalds í bókhaldsforriti í tölvu. Þá er námskeiðið hentugt  einstaklingum með sjálfstæðan atvinnurekstur sem vilja vera sjálfbjarga vmeð bókhaldið.  Töflureiknir og viðskiptaforritið Dk er aðallega notað. Á þessu námskeiði hafa verið dregin saman aðalatriði námskeiðanna Bókhald I og Bókhald II og Tölvubókhald og er yfirferð hraðari og verkefni færri en á hverju einstöku námskeiði. Þátttakendur fá sérstakt viðurkenningarskjal að námskeiðinu loknu.

Þátttakendur fá sent skólaútgáfu af Dk-hugbúnaðinum sem gildir í eitt ár þegar kemur að tölvubókhaldinu á námskeiðinu.

Markmið:
Eftirfarandi efni er m.a. tekið fyrir á námskeiðinu:

• Grundvallaratriði bókhalds, hlutverk og tilgangur bókhalds
• Lög um bókhald og virðisaukaskatt og reglur í því sambandi
• Algengustu bókhaldsreikningar kynntir ásamt bókhaldshringrásinni
• Skilmálar í vöruviðskiptum útskýrðir, afstemmingar, T-reikningar, röðun fylgiskjala
• Gerð prófjafnaðar, reikningsjöfnuður og höfuðbók, lokun og uppgjör
• Framsetning og gerð rekstrar-og efnahagsreiknings
• Fjölgun bókhaldsreikninga, skil og meðferð VSK, lánsviðskipti
• Launabókhald kynnt
• Handfært bókhald flutt í tölvubókhaldsforrit og kynning bókhaldsforrita
• Bókhaldið fært í tölvubókhaldsforritinu Dk

Vinnulag:
Námskeiðið fer fram í fjarnámi og stendur yfir í 10 vikur.  Námskeiðsgögn eru á rafrænu formi á netinu. Nýjustu kennsluaðferðir í fjarnámi notaðar. Fjöldi verkefna leystur á námskeiðstímanum. Þátttakendur senda lausnir m.a. beint út úr bókhaldsforritinu Dk-viðskiptahugbúnaður.

Umfang: 80 klukkustundir

TIL BAKA Á FORSÍÐU